TAGBILARAN CITY, Bohol, July 9 (PIA) -- Gipahibalo sa Pfizer and BioNTech niadtong Huwebes nga gipangayo na nila ang pagtugot sa pagdumala alang sa ikatulong tupokan sa ilang  bakuna batok sa Corona virus disease (COVID-19).

Sa usa ka pahayag, gipahibaw sa Pfizer nga pagkahuman nila og tapok sa inisyal nga datos gikan sa nagpadayong nga human trials,  napakita nga ang ikatulo nga shot sa ilang bakuna, mopasaka sa antibody levels gikan sa 5 hangtod 10 batok original coronavirus strain ug Beta variant, nga una namatikdan trials sa South Africa kompara sa ikaduha nga dosis.

Dugang pa sa pahayag, ang kumpanya nagpaabot nga mapatik ang definitive data sa ilang human tests sa dili madugay ingon usab ang peer-reviewed journal ug plano na nila nga isumite ang data ngadto sa Food and Drug Administration (FDA), European Medicines Agency (EMA) ug uban nga regulatory authorities sa mga nasud nga naggamit sa ilang bakuna, sa umaabot nga semana.

Dugang pa niini, ang kompanya nagpaabot sa pagtugot sa ikatulong dosis, kay matud pa nila, kini maayo usab batok sa highly transmissible Delta strain nga dali nahimong globally dominant.

Tungod sa pag-amping, ang mga kompanya naghimo usab og bakuna nga tukma sa Delta strain, ang una nga batch niini gihimo sa BioNTech facility sa Mainz, Germany.

Nagpaabot pa usab ang kompanya sa clinical nga pagtuon niini, nga magsugod karong Agosto, ug kini ipailalom gihapon sa estriktong pagkontrol nga mga regulatory processes niini.

Dugang pa sa kompanya, base sa drop-offs, kini nga bakuna batok sa Delta strain epektibo segun sa napakita sa Israel pagkahuman sa 6 ka buwan nga trials. 

Gani, nagtuo sila nga ang ikatulong dosis kinahanglanon sa 6 ngadto sa 12 ka buwan pagkahuman sa hingpit nga pagbakuna. (RAHC/PIA7 Bohol/Analyn Y. Socobos)