TAGBILARAN CITY, Bohol, July 12 (PIA) -- Gipahibalo sa goberno nga ang bag-ong na-abot nga AstraZeneca Vaccine gamitong second dose alang sa mga nakadawat sa ilang inisyal nga bakuna niadtng mga buwan sa Mayo ug Hunyo.
Matod ni, Chief Implementer of the National Task Force (NTF) Against Covid-19 and Secretary Carlito Galvez Jr., ang 1.5 milyon nga doses nga gikan sa labing bag-ong kargamento nga naa sa 2,028,000 nga mga doses, ipangalagad isip ikaduhang doses.
Niini, ang 500,000 nga doses sa AstraZeneca ipanghatud sa mga lugar nga adunay taas ang populasyon sa Senior Citizens (A2) ug kadtong mga hamtong nga adunay daan nga gipamati.
Gipahayag usab ni Galvez, nga ang Pilipinas aduna nay 8, 274, 916 mga katigulangang nabakunahan na sa ikaduhang doses, samtang 2,632,861 ang ihap sa mga nabakunahan na sa una nga doses.
Kalabot niini, ang A3 category ana-a sa 1,039, 710 ang hingpit nang nabakunahan, samtang 3,184,933 ang natala nga nabakunahan na sa unang doses.
Sa laing bahin, ang ikaunom nga hugna sa bakuna nagmalampusong napadala sa Covax Facility, nga gipanguluhan sa World Health Organization (WHO) kauban ang Gavi Alliance niadtong Biyernes.
Ang pasi-una nga nadawat sa AstraZeneca, anaa sa 525,600 sulod sa buwan sa Marso, diin kini gisundan sa 2,030,400 nga mga doses niadtong Mayo.
Sa pagkakaron, ang Pilipinas nakadawat og 20,739,770 ka doses, sumala sa natala sa Hulyo 9. (RAHC/PIA7 Bohol/Mae Ann Grace C. Rubia)
