TAGBILARAN CITY, July 13 (PIA) -- Niubos ang case fatality rate (CFR) sa COVID-19 sa Metro Manila sukad sa pagsugod sa tuig matod sa taho sa OCTA Research kaniadtong Sabado.

Matod sa grupo sa ilang labing bag-o nga monitoring, ang fatality rate niubos sa 0.78 porsyento gikan sa Hunyo hangtod Hulyo 6, nga niubos gikan sa 1.06 percent nga natala gikan Enero hangtod Marso 31, 2021.

Kini nagpasabot nga mimenus na ang namatay sa usa, sa matag 100 nga mga kaso sa COVID-19.

Kaniadto’ng 2020, ang OCTA Research nakatala og 2.32 percent CFR sa National Capital Region (NCR) nga nagpasabot nga adunay sobra sa duha sa matag 100 ka mga kaso ang mamatay sa sakit.

Ang OCTA Research nakamatikud usab nga adunay pag-ubos sa CFR sa senior citizens nga nag edad ug 60 anyos ug labaw pa, gikan sa 5.87 percent Enero padung Marso hangtod 4.29 percent gikan sa Hunyo padung Hulyo 6.

Ang Fatality rate sa kadtong nag-edad ug 50 hangtod 59, niubos usab gikan sa 1.61 percent hangtod 1.21 percent sa parehas nga panahon.

Nakit-an usab ang pag-ubos sa fatality rate niadtong nag-edad ug 40 hangtod 49 diin ang death rate niubos sa 60 percent.

Hinuon, namatidan usab nga mingtaas ang CFR sa mga nag-edad ug 17 years old paubos nga gikan sa 0.07 percent hangtod 0.20 percent.

Kini nagpasabot nga usa sa matag 500 ka cases sa  nag-edad ug 18 years old mamatay tungod sa sakit.

Sa mga nag-edad ug 18 hangtod 39 nagpabilin gihapon sa 0.13 percent ang CFR. (RAHC/PIA7 Bohol/John Paul Elicano)