TAGBILARAN CITY, Bohol, July 14 (PIA) -- Gipapauli sa gobyerno ang kapin sa 600,000 ka mga Overseas Filipino Workers (OFWs) gikan Mayo 2020, tungod sa pagpanalipod kanila sa Coronavirus Disease (Covid-19) nga pandemiya.

Aduna pa usab gibanabana nga 70,000 hangtod 130,000 nga dungang mga OFW nga gilauman nga makabalik, gawas sa mga kanunay nga magpauli-an, aron magbakasyon.

Matod ni Overseas Workers Welfare Administration (OWWA), Administrator Hans Leo Cacdac niadtong Lunes, sa mga namauli nga mga OFWs, 612,000 na niini ang gipadala sa ilang mga kaugalingon nga probinsiya aron ikauban ang ilang pamilya.

Dugang usab niya, nga ang OWWA aduna gihapo’y pahat nga ilang magamit sa hinabang sa mga OFWs, taman sa Septyembre, ug sa paglapas niana, ang ahensiya manginahanglan na og supplemental o dugang nga pundo aron dili mapalta sa pag-alagad sa mga giisip nga mga bag-ong bayani sa nasud.

Sa payahag niya, matud pa nga nakadawat sila og usa ka replenishment nga mikabat sa P 5.2 bilyon, nga mahimong magamit hangtod sa katapusan sa ikatulo nga kwarter niining tuig.

Kini, sumala pa sa OWWA, nga gitugotan na ni President Rodrigo Duterte pinaagi sa Department of Budget and Management.

Luyo niini, kapin na sa 100 ka mga OFW ang nakapahimulos sa pito ka adlaw nga espesyal nga quarantine period nga giaprobahan sa Inter-Agency Task Force, segun sa ahensya. (RAHC/PIA7 Bohol/Ruffa Mae F. Evardo)