SYUDAD SANG BACOLOD (PIA)— Ginsuportahan sang syudad sang Bacolod paagi kay Lady Gles Gonzales Pallen nga pangulo sang Liga ng mga Barangay ang "Bike for Peace and Justice" kag ginkondenar ang pagpamatay sang mga inosente nga sibilyan sang katapo sang New People’s Army Communist Terrorist Group  (CTG).

Samtang, masobra 150 ka mga bikers ang nakig bahin sa "Bike for Peace and Justice" nga nagsugod sa Bacolod City Police Office sa dalan Magsaysay sini nga syudad padulong sa Brgy. Punta Taytay nga ginhiwat sadtong Hulyo 17.

Ginpahayag ni Sherlock Gabana nga Public Information Officer sang Bacolod City Police Office nga ginpakamalaut sang mga bikers and pagpatay kay Kieth Absalon kag sang iya paka-isa nga si Nolven nga napatay paagi sa paglupok sang improvised explosive devise nga gintanom sang mga rebelde sa Masbate.

Naghiwat sang coastal clean-up o pagpaninlo sang baybayon ang mga bikers pagkatapos sang malip-ot nga programa.

Ang lokal nga panguluhan sang Bacolod pinaagi kay Gabana ang naghingyo man sa mga pumoluyo nga padayunon ang ila pagsuporta sa mga programa sang gobyerno kasunod sa madinalag-on nga pagpatigayon sang “Bike For Peace and Justice.” (AAL/Lljr/PIA6-Negros Occidental)