PAGADIAN CITY, July 21 (PIA)—Gibutyag ni Governor Victor Yu ang mga kalampusan nga nahimo sa administrasyon ni Presidente Rodrigo Duterte sa lalawigan sa Zambonga del Sur.
Sa Cabinet report ni PCCO Secretary Martin Andanar gipahayag ni Yu nga daghang nahimo ang administrasyon ni Duterte ilabi na sa natad sa inprastraktura, panglawas, agrikultura ug edukasyon.
Matud pa ni Yu sa ‘Build, Build, Build Program’ napalambo ang national highway.
Nakadawat usab ang lalawigan ug pundo nga P520M para sa ELCAC projects sa 26 ka mga barangays, P80M nga calamity fund nga gitukod sa COVID-19 laboratory, P87M alang sa TUPAD project nga gihatag sa DOLE, financial assistance nga tag-P5,000 alang sa mag-uuma sa humay ug mais nga naapektuhan sa COVID-19 ug scholarship sa mga estudyante sa kolehiyo.
Panapos nga pahayag ni Yu nakita niya ang maayong pagdumala sa administrasyon ni Durterte. “Ang mga programa ug proyekto nakatabang ug dako sa pagpalambo sa kinabuhi sa mga tawo.” (NBE/GCC/PIA-Zamboanga del Sur)
