TAGBILARAN CITY, Bohol, July 23 (PIA) -- Giaprubahan na sa China ang emergency nga paggamit sa CoronaVac sa Sinovac nga alang sa mga bata nga nag-edad ug 3 hangtod sa 17 anyos, segun sa taho sa Chinese Embassy sa Manila kaniadtong Hulyo 20.

Matod sa usa ka pahayag sa Embassy, ang pagtugot gibase sa Phase lll clinical trial data nga misugyot nga ang CoronaVac kinahanglang dili moubos sa 98.9% ang pagkaepektibo niini sa paghimo ug mga antibodies.

Matod usab sa Embassy nga ang maong pagtuon naglambigit ug 180 ka mga boluntaryo sulod sa age group.

Matod sa website niini, ang Sinovac, ang numero sa pag-neutralize sa antibody sa taas nga lebel nga natala human sa ika 28 ka adlaw sa pagbakuna.

Ang Coronavac nga ginama sa SinoVac nagpabilin nga labi ka taas ang proteksyon sa mga batan-on kon itandi sa lebel nga natala sa mga hamtong ug mga tigulang sa susamang panahon, segun sa pahayag sa Embassy.

Matod usab sa website, kini nagpakita nga ang Sinovac adunay lig-on ug maayo nga immugenicity sa mga bata nga populasyon ilabi na sa mga tin-edyer.

Kini nagtala sa labi ka maayo nga mga resulta kung itandi sa mga tawo nga nag-edad ug 18 pataas.

Kaniadtong Hulyo 7, ang Chinese firm nag-aplay alang sa usa ka pag-usab sa ilang Emergency Use Authorization (EUA) nga ilakip ang mga bata nga nag-edad ug 3 hangtod sa 17 anyos.

Apan niining post, wala pay pahibalo nga desisyon gikan sa Food and Drug Administration. (RAHC/PIA7 Bohol/John Paul Elicano)