TAGBILARAN CITY, Bohol, Aug. 13 (PIA) -- Gihatagan na og ‘go signal’ ni Presidente Rodrigo Roa Duterte ang konstruksyon sa P200-milyon nga government media facility sa Visayas.

Matud pa ni Presidential Communications Operations Office (PCOO) Kalihim Martin Andanar, gi-aprobahan na sa Department of Budget and Management (DBM) ang pagpondo sa Visayas Media Hub nga itukod sulod sa 3,000-square meter nga luna nga gipanag-iya sa Department of Information and Communications Technology (DICT) sa Barangay Subangdaku, syudad sa Mandaue, Cebu.

“We are happy that the President finally approved this shortly after our success in constructing the Mindanao Media Hub, the largest government media facility outside of Metro Manila, and the largest in the country to date,” Nalipay kita nga sa katapusan, giaprobahan sa Presidente human nato malampusong gipabarig ang Mindanao Media Hub, ang labing daku nga media facility gawas sa Metro Manila, ug labing daku sa nasud sa kasamtangang panahon, matud pa ni Andanar. 

“Sa departamento ko masasabi ko na patas ang ating pagpapagawa ng radio station, mga TV station and now we have the Visayas Media Hub that basically will become the biggest media facility in the Visayas,” dugang pa ni Andanar. 

Samtang gibutyag sa kalihim nga gipaabot usab ang katukoran sa dili madugay sa Government Communications Academy sa Manolo Fortich Bukidnon.

Matud pa ni Andanar nga ang ubang mga palisiya sa PCOO nga nagsuporta sa open governance ug free press nga padayong gi-promotar ni Presidente Duterte ug sa iyang administrasyon nagpadayon taliwala sa mga pagsaway.

Gidugang sa kalihim nga kini nag-umol parte sa legasiya sa administrasyong Duterte sa PCOO.

Gitumbok pa ni Andanar nga ang Presidential Task Force on Media Security nahitabo lamang ubos sa termino ni Presidente Duterte ug tungod niini, nakapasilitar sa paghatag og hustisya alang sa mga biktima sa kaso sa Maguindanao Massacre.

Matud pa sa kalihim nga mao kini ang rason nga gitangtang ang Pilipinas sa French-based Reporters Without Borders gikan sa listahan sa "most dangerous countries in the world for journalists."

Gawas niini, gi-adbokar usab sa PCOO ang Freedom of Information nga nagbuhi usab sa pagsalmot sa sibiko sa pakigsangka batok sa korapsyon. (ECB/PIA7 Bohol)