TAGBILARAN CITY, Bohol, Aug. 18 (PIA) -- Tungod sa nagpadayong pagsaka sa mga kaso sa coronavirus disease (COVID-19) sa lalawigan, gi-uswag og laing usa ka semana taman alas 11:59 sa gabii sa Agosto 31 ang border lockdown sa Bohol.
Gipagawas ni Gob. Arthur Yap ang Executive Order No. 40 nga nag-uswag sa pagpasarado sa border sa lalawigan taman Agosto 31, 2021.
“The suspension of air and sea travel of passengers bound for Bohol, excluding domestic air and sea travel of cargoes, shall be extended until August 31 (Ang sagsuspenso sa byahe sa eroplano ug barko paingons a Bohol gawas sa mga kargamento ipa-inat pa ngadto sa August 31),” parte sa nakalatid sa EO 40.
Gilagdaan ni Yap ang bag-ong EO nga nag-uswag sa pagka-epektibo sa EO No. 37 niadtong Agosto 17, 2021.
Ang kasamtangang lockdown matapos unta alas 11:59 sa gabii sa Agosto 20.
Sama sa niaging border lockdown, wala kini naglakip sa mga domestic air ug sea travel sa mga cargoes ug authorized persons outside residences (APORs), mga health workers on official business, authorized government officials, mga mo-byahe alang sa medical o humanitarian nga mga rason, returning overseas Filipino (ROF) workers, mga indibidwal nga maghatag og basic services ug public utilities, ug bank personnel ug ubang empleyado sa bangko nga mo-byahe sa lalawigan alang sa pag-replenish og cash funds ug ubang supplies nga gikinahanglan alang sa padayong serbisyo sa nagkalain-laing bangko.
Ang mga pagawas nga byahe gikan sa Bohol magpadayon apan mag-agad sa entry protocols sa destinasyon nga adtuan. (ECB/PIA7 Bohol)
