TAGBILARAN CITY, Bohol, Oct. 11 (PIA) -- Duha  ka porsyento lamang, o napulo ug usa  ka kaso sa 506 ka pagkamatay dinhi sa Bohol nga giduhig sa coronavirus disease (COVID) ang gikan sa mga nakakuha nag kompleto nga bakuna.

Niini, 91% o 461 ka mga nangamatay ang wala pa makadawat sa bakuna o nagdumuli sa pagdawat niini diha nga gihatagan sila og kahigayunan sa pagpili.

Kini maoy gipaambit nga kasayuran gikan sa local nga Department of Health (DOH)  didto sa tigum sa Bohol InterAgency task Force on the management of Emerging Infectious Disease Strategic Communication Cluster kauban ang mga mayor sa Bohol.

Sa tigum niadtong Oktubre 11 sa palis, gibutyag ni Neil John Oclarit sa DOH nga labing daku nga mayoriya sa mga nangamatay sa COVID-19 dinhi sa Bohol sa milabay nga mga buwan, mga kaso sa mga wala kabakunahi.

Gani, matud pa sa iyang taho nga ming-abut usab og 7% sa mga nangamatay mao ang mga nakakuha og unang tupokan sa bakuna, apan sa wala pa makadawat sa ikaduhang tupokan, nasakit ug namatay ra sa komplikasyon sa COVID-19.

Sa 11 o duha pa porsyento, gikompirmar lakip ni ni Dr. Lylle Salada sa GCGMH nga ang mga nangamatay, dili nila masultikon ang bakuna ba ang nakaingon kay kini duna nay mga pre-existing o daan na nga mga may sakit, nga gidangop sa COVID-19.

Katlo-an og tulo sa mga nangamatay, nakakuha na untag bakuna aron matun-an ang mga sundawo sa lawas sa pag-ila ug pagbuntog sa COVID-19, apan namatay mga wala pa makompleto ang ilang panalipod.

Niini, napadayagnga bisan sa una nga tupokan sa bakuna, ug gani bisan sa ika duha nga tupokan, nanginahanglan gayud nga magmatngon tungod kay mahimo pa gihapon nga matakdan sa sakit.

Gani, tambag sa mga batid, nanginahanglan poa og 14 ka adlaw human makuha ang ika duha nga tupokan aron makabataon nag kompleto nga panalipod ang lawas.

Dugang pa, kadtong nakakuha na sa kompleto nga pagbakuna, mahimo pa gihapon nga matakdan, apan dili na makasinati sa grabe nga epekto sa sakit.

Dugang sa mga taga DOH, gani sa mga kaso sa natakdan sa sakit, mikabat sa 300 ang mga nabakunahan na nga natakdan.

Lain nga 613 hinuon, o sobra sa katunga ang natakdan nga wala mabakunahi samtang 36 lamang ka kaso sa mgha natakdan ang nakakuhag bakuna na apan dili pa kompleto.

Duyog niini, sa tataw nga kasayuran  nga ang bakuna makaluwas, aghat sa kagamhanan, magpabakuna na kay bisan pa og matakdan, wala na kiniy delikado nga ikagrabe o ikamatay pa. (RAHC/PIA7 Bohol)