No. of :
No. of Shares:
Currently viewed by: Marcus Rosit
SYUDAD SANG ROXAS, Capiz (PIA) -- Anom ka mga kabaranggayan sa banwa sang Tapaz ang mangin benepisyaryo sang nagkalainlain nga mga proyekto sang nasyonal nga gobyerno bilang kabahin sang "whole-of-nation-approach" agud tapuson ang problema sa rebelyon sa mga lugar.
Ini ang ginalakipan sang Acuña, Aglinab, Katipunan, Lahug, Roosevelt kag Tacayan nga mga benepisyaryo nga barangay sang Retooled Community Support Program (RCSP).
Ang RCSP ang isa ka istratehiya sang administrasyon ni Pangulong Rodrigo Duterte agud nga maabot ang katuyuan sang iya Executive Order No. 70 nga isa ka pangkabilogan sang pungsod nga pamaagi agud nga maresolba ang mga problema nga kabangdanan sang rebelyon.
Ginpahayag ni direktor Juan Jovian Ingeniero sang Department of the Interior and Local Government - 6 nga ang programa ang nagatuyo nga masabat ang mga isyu kag problema sang mga komunidad pinaagi sa mga programa kag proyekto sang gobyerno nga lubos nga kinahanglanon sang mga kabaranggayan.
Si Ingeniero ang dinapit nga bisita sa Serbisyo Caravan kag paglunsyar sang TV Aralan para sa mga RCSP nga kabaranggayan sang Tapaz sang Nobyembre 8 sa Tapaz Civic Center.
Samtang, nagapati si Mayor Roberto Palomar sang Tapaz nga ang EO No. 70 ni Pangulong Duterte kag "good governance" ang sabat sa problema sa rebelyon sa pungsod.
Ang lokal nga panguluhan sang Tapaz sa administrasyon ni Palomar ang nakapatapos na sang nagkalain-lain
nga mga proyekto kapareho sang pagpa-obra sang sementado nga karsada, barangay health station, day care center kag iban agud mapalapit ang gobyerno sa mga tawo kag bilang suporta sa kampanya batuk sa insurhensya. (JBG/AAL/PIA Capiz)
Writer
Region 6
Writer :)
