BAYOMBONG, Nueva Vizcaya (PIA)- -Manamnama iti saknap nga pannakaiwayat ti Energization Program kadagiti dua nga barangay ti ili ti Kasibu.

Sigun kenni Governor Carlos Padilla, addan pondona iti maiwayat nga Energization Program para kadagiti dua a barangay manipud iti Nationa Electrification Administration (NEA).

Kinuna ni Padilla nga  P7,310,824.89 ti pondo nga inlatang ti NEA para ti Energization Program sadiay barangay Bilet kabayatan nga P7,983,906.42 met ti pondo sadiay barangay  Camamasi.

“Dagiti dua  nga barangay ket sakopen ti Unenergized Barangays a listaan ti NEA ditoy Nueva Vizcaya ket agyaman tayo ta naikkanen ti pondo para iti pannakaiwayat ti nasao nga programa,” kinuna ti Padilla.

Innayun pay ni Padilla nga mangted rang-ay ti panagbiag ken negosyo oras nga   maaramid ti nasao nga programa kadagiti dua nga barangay ti Kasibu ket lakamen daytoy dagiti mannalon ti komunidad.(MDCT/BME/PIA Nueva Vizcaya)