TAGBILARAN CITY, Bohol, Dec. 6 (PIA) -- Gi-awhag sa Department of the Interior and Local Government (DILG) ang mga local government units (LGUs) nga magpalabang og lokal nga ordinansa nga hugtan ang mga bata sa pagpanaygon karong panahon sa Pasko.

Gipasabot ni DILG Usec Martin Diño nga kinahanglang protektado ang katawhan tungod kay ang mga dili lamang bakunado sa pagkakaron mao ang mga batang may edad 11 anyos paubos.

Gawas niini, miingon si Diño nga delikado gihapon sa panahon sa kagabhion ang mga batang nasulod sa maong edad nga kasagarang manaygon.

“Palagay ko if ever na papayagan, bantayan nang mabuti ng barangay,” pahayag pa ni Diño.

Matud pa nga angay protektado ang mga bata sa pagpanaygon nga bisan tradisyon na kini ug kalipay sa mga bata, kinahanglan una kining likayan ilabi na nga may nataho na usab nga bag-ong variant ug ang mga batang nag-edad 11 anyos paubos wala pa’y proteksyon batok sa coronavirus disease (COVID-19).

Pag-abot usab sa Christmas party, miingon si Diño nga may sumbanan kalabot niini nga kinahanglang sundon.

Gipahinumdoman usab sa opisyal ang mga ginikanan nga magpaabot una alang sa bakuna sa ilang anak nga gitun-an na karon tungod kay kaluwasan lamang sa ilang anak ang gipanalipdan sa DILG ug sa gobyerno. (ECB/PIA7 Bohol)