TAGBILARAN CITY, Bohol, Dec. 7 (PIA) -- Mahimong maggahin ang gobyerno og shuttle service aron magsakay sa mga dili pa bakunadong indibidwal nga mga senior citizens ug may sakit kun gikinahanglan.
Alang kini sa gitakdang pagpahigayon sa ikaduhang national vaccination program nga Bayanihan Bakunahan sa gobyerno sa Disyembre 15 hangtod 17.
“Ito pong parating namin na 15 to 17 na (This coming 15 to 17) vaccination days again, we’ll now be focusing, aside from the rest of the population, we will now focus on the unvaccinated,” matud pa sa usa ka pahayag ni DOH Undersecretary Maria Rosario Vergeire.
Matud pa nga patutokan sa mga volunteer ang pagbakuna sa A2 ug A3 nga kategorya.
“Pangalawa, titignan din po natin kung ano ‘yung mga mechanisms that we can provide so that we can facilitate kung kailangan ng shuttle going to the vaccination site, kung kailangan puntahan yung mga matatandang ‘di na makalabas ng bahay, gagawin natin ‘yan, matud pa ni Vergeire.
Tumong sa gobyerno nga makumpleto ang COVID vaccine dose sa pito ka milyong Pilipino sa gitakdang national vaccination drive.
Kahinumdoman nga unang gilusad ang three-day vaccination drive niadtong Nobyembre 29 hangtod Disyembre 1 apan wala naabot ang siyam nga milyong target. (ECB/PIA7 Bohol)
MAGAMIT KINI. Segun sa mga kasaligang tinubdan, mahimong mogamit ang mga LGUs og mga shuttle aron mahakot ang mga senior citizens ug PWDs aron dalhon sa bakuna centers. Kini hinuon, dugay rang gibuhat sa Tagbilaran CIty. (PIA Bohol)
