TAGBILARAN CITY, Bohol, May 18 (PIA) -- Gilagdaan na ni Presidente Rodrigo Roa Duterte ang balaod nga magpakusog sa Sangguniang Kabataan (SK), apil na ang paghatag og binuwan nga honoraria sa youth council officials.
Ang Republic Act No. 11768 nga nag-amyenda sa pipila ka probisyon sa Sanggunian Kabataan Reform Act of 2015, gilagdaan ni Pangulong Duterte niadtong Mayo 6.
Ang kopya sa bag-ong balaod gipagawas sa Palasyo niadtong Mayo 17.
Ubos niining bag-ong balaod, ang tanang myembro sa SK apil na ang treasurer ug secretary angay nga makadawat og binuwan nga honorarium sa pagtapos sa matag regular monthly SK meeting.
Apan angay nga dili kini molapas sa 25% sa pondo sa SK ug dili angay nga molapas sa kompensasyon nga nadawat sa SK chairperson.
Ang nagkadaiyang local government units (LGUs) mahimong mohatag og dugang bayad ug social welfare contributions ug hazard allowance sa SK chairperson ug uban pang elected ug appointed members sa youth council pinaagi sa local nga mga ordinansa.
Ang mga miyembro sa SK angay usab nga entitled o may katungod sa civil service eligibility base sa tuig sa ilang serbisyo sa barangay, base sa RA No. 11768.
Ang uban pang benepisyo sa mga opisyal sa SK naglakip sa “exemption from the National Service Training Program, being excused from attending classes while attending regular or special SK meetings and special Sangguniang Barangay sessions, in the case of the chairperson being provided by the national government with PhilHealth coverage.”
Samtang gihatagan og mandato sa bag-ong balaod ang matag SK nga magbutang og secretary ug treasurer ug magtakda og iskedyul sa regular meetings ug Katipunan ng Kabataan assemblies sulod sa 60 ka adlaw pagkadawat sa posisyon.
Ang gitudlong SK treasurer angay nga adunay education ug career background nga may kalabotan sa business administration, accountancy, finance, economics o bookkeeping.
Sa paglingkod sa katungdanan, ang mga miyembro sa SK gimanduan nga magmugna og three-year rolling plan nga pagatawgon og Comprehensive Barangay Youth Development Plan.
Ang mga miyembro tugotan nga magpahigayon og fund-raising activities, agi og pagsunod sa development plan, ang proceeds o kitaon gikan sa fund raising activity tax-exempt ug idugang sa general fund sa SK. (ECB/PIA7 Bohol)
