TAGBILARAN CITY, Bohol, Aug. 13 (PIA) -- Ang bag-ong gitukod nga Port of Operations (POB) Building sulod sa Dumaguete Seaport Terminal ug ang bag-ong giayo nga Dumaguete-Sibulan Airport ang mga mahikap nga pamatuod sa "Duterte Legacy" sa Negros Oriental.
Mao kini ang gi-highlight ni Presidential Communications Operations Office (PCOO) Kalihim Martin Andanar sa iyang interview sa lokal nga estasyon sa radio station DYGB Power 91 FM niadtong Agosto 12 aron mapataas ang kaamgohan sa mga ‘landmark achievements’ ni Presidente Rodrigo Roa Duterte.
Si Andanar mihisgot sa mga nahimo sa Presidente ubos sa iyang flagship infrastructure program nga gitawag og “Build, Buld, Build” nga naglakip sa katukoran sa mga bag-ong pantalan ug airport terminals ug pagpaayo sa mga kasamtangang pasilidad sa lalawigan.
“Kinahanglan pod mahibal-an sa 'Build, Build, Build' na more than 451 seaports ug 214 airport projects ang nakumpleto. In fact, present ko diha pag-abre sa atong bag-ong seaport terminal diha sa Dumaguete. Present pod ko diha pag-inaugurate sa inyong bag-ong airport terminal (The public should know that there are 451 seaport terminals and 214 airport projects that have been completed under 'Build, Build, Build.' In fact, I was there during the inauguration and opening of the new seaport and airport in Dumaguete City)," matud pa ni Andanar.
Niadtong Marso 11, si Duterte kauban sa uban niyang Cabinet secretaries apil ni Andanar ug Department of Transportation Kalihim Arthur Tugade nitambong sa pagsubo sa maong pasilidad.
Ang bag-ong POB Building, diin nahisulod ang buhatan sa Philippine Ports Authority ug uban pang maritime government agencies ug nagsilbing Seaport Terminal alang sa mga pasahero, gipaabot nga makapasulod og 500 ka pasahero ug magpa usbaw sa P13 milyon sa gobyerno matag tuig pinaagi sa koleksyon sa passenger terminal fee.
Nagtinguha kini sa pagpaayo sa seamless nga koneksyon taliwala sa mga silingan’g isla ug pagpasiugda sa buhi nga patigayon mga mo-resulta sa daghang kalamboan sa nagkalain-laing mga lugar sa nasod.
Samtang ang bag-o lang naayo nga Dumaguete-Sibulan Airport nagtinguha sa pagpalambo sa turismo sa lalawigan ug mag-abli sa dalan alang sa pagbangon sa ekonomiya.
Pipila sa mga improvements sa airport naglakip sa re-blocking sa apron ug katukoran sa duha ka taxiways, pagpalapad sa kasamtangang passenger terminal building, overlaying sa aspalto sa runway ug shoulder grade correction, ug pagpalapad sa Civil Aviation Authority of the Philippines Administrative Building.
Pagtukod sa bag-ong POB building nga nagkantidad og P114 milyon samtang ang pagpaayo sa Dumaguete-Sibulan Airport nga nagkantidad og P258 milyon.
Matud pa sa hepe sa PCOO nga ang nasod nakakuha og daghang mga proyekto sa lnatad sa pagpalambo sa imprastraktura ubos sa kasamtangang administrasyon.
“Ang legasiya ni Presidente pag-abot sa 'Build,Build, Build' program, kinahanglan masayran sa ato kababayan. More than 29,000 kms of road ang na-build sa ato administrasyon. Kinahanglan pod nila mahibal-an na more than 5,900 bridges ang nakumpleto sa administrasyon,” pasabot pa ni Andanar. (ECB/PIA7 Bohol)
