TAGBILARAN CITY, Bohol, June 1 (PIA) -- Nipasidaan ang pamunoan sa Philippine Health Insurance Corporation (PhilHealth) sa mga healthcare facilities nga nalambigit sa under deduction o downcasing sa mga PhilHealth benefit.

Sa pagdungog sa  House Committee on North Luzon Quadrangle, gibutyag ni PhilHealth Vice President Walter Bacareza nga nakadawat sila og mga reklamo kalabot sa downcasing diin bisan grabe ang sakit sa miyembro, himuon lamang kining simple, tungod sa kahadlok nga dili mabayran sa PhilHealth.

“Marami kaming naririnig na ganun. Nung unang panahon Mr. Chair, ang tawag niyan upcasing. Yung simple ginagawang grabe…Ngayon nagbago na, downcasing naman. Yung grabe ginagawang simple,” matud pa ni Bacareza.

Gipasidan-an sa PhilHealth ang mga ospital nga ang downcasing mahimong makonsidera isip usa  ka fraud o pagpanglimbong.

Tungod niini, ang mga pasilidad nga mapamatud-ang nag under-declare mahimong mag-atubang og kaso, matud pa ni Bacareza.

Gi-awhag niini ang mga miyembro sa PhilHealth nga i-report dayon sa ilang buhatan kun may ingon niining binuhatan aron maaksyonan kini sa PhilHealth. (ECB/PIA7 Bohol)