BAYOMBONG, Nueva Vizcaya (PIA) - - Immawat ti libre nga Patent Titles dagiti 663 nga Novo Vizcayanos ita nga aldaw sadiay Nueva Vizcaya State University (NVSU) gymnasium manipud iti Department of Environment and Natural Resources (DENR).

Sigun kenni DENR Regional Executive Director Gwendolyn Bambalan, ti panangted kadagiti libre a patent titles ket paset ti ‘Duterte Legacy’, National Environment Month ken 35th Founding Anniversary celebration ti nasao nga ahensiya.

Kinuna pay ni Bambalan nga surok 500 nga free patent titles pay iti agdama nga ur-urnusen ti Register of Deeds (ROD) tapno maited dagitoy kadagiti Novo Vizcayanos.

Impaganetget pay ni Bambalan nga dagiti patent titles ket naited gapu ti gandat ni President Rodrigo Duterte a maaddaan daga dagiti nakurapay tapno mausarda daytoy para iti panagbiagda.

“Sapay kuma ta usarenyo daytoy nga daga para iti agrikultura tapno makatulongtayo iti panagtakder manen ti ekonomiya tayo nga naapektaran ti COVID-19 Pandemic,” kinuna pay ni Bambalan. (BME/ PIA NVizcaya)