“Ang kalayaan ay mahalaga subalit ito ay magiging matagumpay lamang kung tayo ay magkakaisa. Umaasa tayo na sa darating na panahon, sa pamumuno ng bagong administrasyon ay matugunan nawa ang pangangailangan ng bansa at ito ang magiging hamon sa papasok na pamahalaan,” pagtatapos na mensahe ng alkalde.
Nagtanghal ang mga kabataan sa entablado upang isadula ang mga pangyayari sa kasalukuyang panahon bilang malayang mamamayan. (Kuha ni Dennis Nebrejo/PIA-Ormin)
Samantala, bago pa man magsalita ang punong lungsod, nagkaroon muna ng pagpupugay sa watawat ng Pilipinas sa pamamagitan ng ’21 Gun Salute’ na sinundan ng pag-awit ng Pambansang Awit ng Pilipinas at pagkatapos ay nagkaroon ng maikling programa kung saan nag tanghal ang mga kabataan ng sayaw na naglalarawan ng kalayaan sa bansa.
Sinabi naman ni Vice Mayor Gil G. Ramirez na samantalahin ang tinatamasang kalayaan at makiisa sa mga programa at proyekto ng susunod na administrasyon ng pamahalaang lungsod.
Bukod kina Panaligan at Ramirez, nakiisa din sa selebrasyon ang mga department heads at kosehales ng lungsod. Kasama din ang Calapan City Police Station sa pamumuno ng hepe na si PLtCol Anthony Ramos, mga kawani ng Bureau of Fire Protection, Philippine Army, Boy Scout at Girl Scout at marami pang iba. (DN/PIA-OrMin)