KALIBO, Aklan (PIA) --  Nagtanum it 900 nga puno it kahoy ro Department of Environment and Natural Resources-Provincial Environment and Natural Resources Office (DENR-PENRO) – Aklan kaibahan ro mga volunteer groups sa pagpartisipar sa Nationwide Simultaneous Tree Planting Activity sa pagsaueog it Philippine Environment Month 2022 sa buean ngara it Hunyo.

Ginpatigayon ro pagpananum sa Barangay Cabugao, Ibajay, Aklan nga gin entrahan it 259 nga mga ‘volunteers’ halin sa sari-saring mga ahensya it gobyerno pareho ku Department of Trade and Industry (DTI), Technical Education and Skills Development Authority (TESDA), Philippine National Police (PNP) Ibajay, Aklan State University (ASU) – Ibajay Campus, Community Defense Unit (CDU), Municipal Environment and Natural Resources Office (MENRO) Ibajay, Engineering Brigade, ag mga Riders ag Vloggers

Ro pagpanglimpyo hay ginhiwat sa ilawod nga parte it Jal o River sa New Washington ag Batan, kon siin ro hapueot nga basura hay nag-abot sa 410 nga kilo nga ginkumpunihan iit plastic, mga botelya nga plastic, lambat, goma, styrofoam, sinelas, mga sanitary pad, botelyang mapueus-on, mga ginakalawang nga metal ag PVC pipes.

Sa pagpatigayon it pagpanglimpyo, nagtao it mapig-od nga oryentasyon si Merlene Aborka nga hepe it PENRO Aklan sa mga nagpartisipar hanungod sa importansya it World Environment Month imaw man ro duna nga manggad, ag ro husto nga pagtatap it basura.

Suno kana, rong tanan hay dapat maghueag sa pag protektar ag pagtatap it palibot para sa makaron ag sa paaeabuton nga henerasyon. (JBG/VGV/PIA6 Aklan)