TAGBILARAN CITY, Bohol, June 21 (PIA) -- Gipangunahan sa Department of Public Works and Highways (DPWH) ang pag-inagura sa Nielsen Arch Bridge o ang bag-ong Clarin Bridge nga nahimutang sa Poblacion Ubos sa lungsod sa Loay, Martes sa buntag, Hunyo 21.

Si DPWH Undersecretary Emil Sadain, ang UPMO Operations ang chief implementer sa Build Build Build Program sa gobyerno ang nanguna sa inagurasyon uban ang mga opisyal gikan sa nasudnon, rehiyonal ug district engineering officials sa DPWH ilabina si District 3 Engineer Magiting Cruz diin nahimutang ang bag-ong tulay.

Gitambongan usab ang maong kalihokan nila Hideki Yamaji (Consul General, Japan Embassy); Mitsuhiro Yao (Director, International Affairs Office); Kenji Kuronoma (Senior Representative, JICA); Yuki Inoue (JICA); Kunihiro Takahashi (JICA); Usec. Maximo Carvajal (Usec. for Regional Operations); Benjamin Bautista (Project Director, DPWH); Francisco Sawali (Project Manager, DPWH); Regional Director Edgar Tabacon (DPWH7); Assistant Regional Director Mario Montejo; Engr. Jun Dela Cruz, Engr. Vicente Valle, Engr. Godofredo Laga, Vicente Lao ug Rosita Lao sa Vicente Lao Construction; Muhammed Roem Olifwan (Senior Vice President - Wijaya Karya); Third District Rep. Alexie Tutor; Loay Mayor Hilario Ayuban; Vice Mayor Rodrigo "Janjan" Cubarol; PCPT. Geronimo Conarco; Brgy. Captain Primo Espiritu (Poblacion Ubos); Brgy. Captain Jovanni Acaap (Villalimpia); Sangguniang Bayan members ug staff.

Ang maong bridge ubos sa JICA-Assisted Road Upgrading and Preservation Project, Upgrading and Improvement (UI) Component nga gipondohan sa JICA Loan Agreement PH-P247 ug gi-implementar sa DPWH pinaagi sa Unified Project Management Office - Roads Management Cluster usa sa mga prayoridad sa administrasyong Duterte.

Si Gob. Arthur Yap nagpasalamat sa mga kadagkuan sa DPWH ug ingon man sa JICA kay sila padayon nga usa sa walay hunong nga misuporta ug nakig-tambayayong sa atong nasud. (ECB/PIA7 Bohol)