ILIGAN CITY (PIA) -- Mas dali na para sa mga residente sa Barangay Kalilangan ang pag-transport sa ilang mga produkto padulong sa merkado, kana pinaagi sa bag-ong ayo nga 3.5 kilometer farm-to-market road.

Ang maong dalan gikan sa Barangay Kalilangan padulong sa Sitio Old Rogongon. Giinagurahan na kini sa pagpanguna sa 55th Engineer Brigade sa Philippine Army, Local government Unit ug sa Department of the Interior and Local Government.

 “Kami sa barangay, lubos ang aming pasasalamat sa diyos sa pamamagitan ng mga ahensiya ng gobyerno. Nakita namin ang malaking tulong ng national government dito sa aming barangay," matod ni   Alimoding Mansumayan, barangay chairperson.

Gipanguluhan sa 554th Engineer Battalion ang pag-ayo sa kalsada.  Gikan sa LGU ang pondo ubos sa Convergence Areas for Peace and Development Program nga kabahin usab pagpatuman sa Executive Order No. 70 sa Iligan City Task Force to End Local Communist Armed Conflict.

"Ang part ng army engineers is only rehabilitation. It does not include the concreting of roads. Ito ay para lang madaanan, maayos nang konti, enough for the populace and communities to bring their products pababa and lgus to bring basic services dito sa disadvantaged communities," sumala ni BGen. Irineo Sebastian, commanding officer sa 55th Engineer Brigade.

Gawas sa mas dali nga pagbyahe sa mga produkto, pinaagi sa kalsada mas sayon na sab para sa mga ahensiya sa gobyerno ang paghatod og serbisyo ngadto sa barangay.

Naglaum sab si Engr. Venerabdo Bordeos sa City Planning and dDvelopment Office nga tagaan og importansya sa mga residente ang proyekto sa gobyerno. Giawhag sab ang mga residente nga magtinabangay alang sa kalamboan sa ilang komunidad. (LELA/PIA-10/Lanao del Norte)