IPIL, Zamboanga Sibugay, Jul 15 (PIA) – Ang Department of Science and Technology (DOST) nag-awhag sa mga micro, small and medium enterprises (MSMEs) sa probinsya nga pahimuslan ang ilang programa nga Small Enterprise Technology Upgrading Program o (SETUP).
Ang SETUP usa ka programa sa gobyerno ug usa ka nasudnong estratihiya nga makapadasig pagtabang sa MSMEs nga i-adopt ang teknolohikal nga kabag-ohan sa pagpalambo sa produkto, serbisyo, operasyon ug sa pagtaas sa produksyon ug kompisisyon, kini maoy gipasabot ni Carlo Quinte, ang Project Development Head sa DOSTSETUP ngadtong iyang radio guesting sa PIA Kapihan ning miagi lang.
Matud pa ni Quinte, ang programa makahimo pagsulbad sa teknikal nga problema ug paglambo sa produksyon sa MSMEs pinaagi sa mga angay nga teknolohiya aron mapauswag ang sa produksyon, serbisyo, ug operasyon; paghatag ug tukma nga pagbansay para sa trabahante; pagdesinyo sa label; pagtabang sa pagkab-ot sa sumbanan sa produkto ug pagsulay niini; Database Management System; probisyon pagtabang alang sa pag-angkon sa teknolohiya.
Gidugan ni Quinte, adunay walo ka priority sector ang programa ug kini ang food processing, furniture, gifts, housewares and decors, marine and aquatic resources, horticulture and agriculture, metals and engineering, health products and services, pharmaceutical, ug ICT/electronics.
