NABUNTURAN, Davao de Oro - - Mokabat sa 25 ka mga persons deprived of liberty (PDLs) nga nahimotang sa Bureau of Jail Management and Penology (BJMP) District Jailsa Montevista, Davao de Oro ang nakakuha og National Certificate I sa Shielded Metal Arc Welding (SMAW).
Sa usa ka seremonyas niadtong Hulyo 22, nadawat sa mga PDL ang ilang national certificates, training certificates ug training support fund gikan sa Technical Education and Skills Development Authority (TESDA).
Ubos sa Special Training for Employment Program (STEP), ang mga benepisyaryo nipaubos sa libreng SMAW training niadtong Abril 27 hangtod Hunyo 17, ug na-evaluate atol sa National Competency Assessment niadtong Hulyo 4-6.
Nagrepresente kang TESDA Davao de Oro Provincial Director Jasmin J. Neri, miingon si Davao National Agricultural School (DNAS) Administrator Norbenia Magpatoc nga ang programa naghatag og paglaom ug kahigayonan sa mga PDL.
“The program is part of the TESDA’s mandate to provide skills training to PDLs to help them get employed and develop their well-being by honing their skills and enhancing their potential until they reintegrate back into society,” matud ni Magpatoc.
Niadtong Septembre 2021, 15 ka mga PDL usab sa Montevista District Jail ang nakakuha sa NC II on Electrical Installation and Maintenance (EIM). (PIA XI, Jerson Delgado/mlu)
