TUGUEGARAO CITY, Cagayan (PIA) - - Vuka ngana ta publiko y Food Fair nga yaya ay parte na selebrasyon na fiesta na yaw nga siyudad, o nu y Pavvurulun-Afi Festival.

Yaw nga aktibidad ay makwa ta Mall of the Valley ta poblasyon, anna magadde ta meka-16 na Agosto ta mismu aggaw na fiesta.

Ganna-gannug nga makan anna menum y awayya nga masissiman turi ta Food Fair kagitta na street food, food preserves, serbesa anna pulutan, anna aru paga.

Meyammung taw, turi nga lugar gapa y kakwa na Battle of the Bands nga parte lagapa na fiesta.

Sangaw nga Agosto, mabbayak ta duwa nga liggu y passelebra ta Pavvurulun-Afi.

Para ta kalendaryu na aktibidades meyannung ta selebrasyon, awayya laman nga umay ta Facebook page na Pavvurulun-Afi Festival: https://www.facebook.com/PavvurulunAfi. (JKC/PIA Region 2)