BASCO, Batanes (PIA) - - Inihatid ng dalawang Black Hawk choppers ng Philippine Airforce ang mahigit dalawang libong doses ng Pfizer vaccines sa probinsiya kamakailan.
Ito ay kaugnay parin ng kasalukuyang programa ng gobyerno na "Pinaslakas" o Nationwide Booster Vaccine campaign.
Ayon sa Provincial Department of Health Office (PDOHO) kabilang sa mga naihatid ang 2, 502 doses na mga bakuna para sa matatanda ,180 para sa mga bata, at mayroon ding mga ancillary supplies at routine vaccines.
Kinumpirma din ng PDOHO na lahat ng mga naihatid na mga vaccine ay para sa booster dose administration dahil ang primary dose ay halos nasa isang daang porsiyento na.
Sa ngayon wala pang iskedyul ng booster vaccination ngunit ayon sa PDOHO ito ay i-aanunsyo sa bawat munisipyo. (OTB/CEB/PIA Batanes)
