No. of :

No. of Shares:

Currently viewed by: Marcus Rosit

  1. Home
  2. News
  3. Curfew hours sa mga pamatan-on ginapatuman sa Kalibo

Curfew hours sa mga pamatan-on ginapatuman sa Kalibo

Write a comment

Delete

KALIBO, Aklan (PIA) – Ginapatuman it Local Government Unit it Kalibo ro curfew hours para sa mga menor de edad ag ro pagkontrol sa operasyon it mga bar, videokehan ag ro mga kaparehas nga establisyemento sa bilog nga banwa it Kalibo.

Ku Agosto 11, 2022, nag-isyu si Kalibo mayor Juris Sucro it Executive Order No. 026 series of 2022 ukon ginatawag nga “An Order Regulating the Operation of Bars, Videokes, Disco and Other Similar Establishment and Imposing Curfew to all Minors within the Territorial Jurisdiction of the Municipality of Kalibo Province of Aklan,” ag hara hay insigida nga nangin epektibo.

Delete

Suno kay  Sucro, ro pagpaguwa it nasambit nga ordinansa hay sa katuyuan it banwa nga masukoean ro potensyal nga pagtaas gid it kaso it COVID-19 ag para man malikawan ro nagakatabo nga krimen sa munisipyo kung siin may mga menor de edad nga nainbolbar.   

Base sa EO, ro mga pamatan-on hay ginabawalan nga magtambay sa mga pampubliko nga lugar umpisa 10:00 sa gabii asta 4:00 sa agahon sa Kalibo, Aklan; ag mas ginakumbinsi sanda nga magtinir sa andang panimaeay.

Pero, pwede mat-a makaguwa ro mga inunga sa oras it curfew sa tyempo it emerhensiya or importante nga paeanawon ag kung sanda man hay may kaibahan nga magueang ukon guardian.

Euwas sa curfew hours para sa mga menor de edad, ro ordinansa hay nagamando man nga ro mga bar, videokehan, diskuhans, ag mga kaparehas kara, hay kinahang-ean nga

EditDelete
Mga katapo it Kalibo Municipal Police Station padayon nga ginamonitor sa anda nga pagpatuman it Executive Order No. 26 nga gin-isyu ni Mayor Juris Sucro. Base sa nasambit nga ordinansa, ro mga pamatan-on hay ginabawalan nga magtambay sa mga pampubliko nga lugar umpisa 10:00pm asta 4:00am sa Kalibo. Nagamando man ro ordinanse nga ro mga bar, videokehan, diskuhans, ag mga kaparehas kara, hay kinahang-ean nga sarado eon pag-abot it 1:00am. (SQP PIA-Aklan?Photo courtesy of Kalibo MPS)
Delete

sarado eon pag-abot it 1:00 sa agahon; nga kung siin ro ulihi nga pagbaton it order sa mga kliyente hay 11:30 sa gabii.  

Dugang pa, ro mga convenience ag sari-sari store hay ginabawalan man nga magbaligya ag magserbe it mga alak ag mga makahieilong nga i-eimnun halin 11:30 sa gabii asta 4:00 sa agahon.

Suno sa EO, ro pagpatuman it ordinansa hay ginatao sa Kalibo Municipal Police Station, kabulig ro mga opisyales it barangay ag mga tanod.

Base sa rekord it Provincial Health Office iya, sa hara nga Agosto 17, 2022, ro banwa it Kalibo ro may pinakamabo nga aktibo nga kaso it COVID-19 nga may 10; kung siin nuebe (9) kara ro nakaquarantine sa pasilidad, samtang sambilog ro naadmit sa ospital. (AAL/SQP/PIA-Aklan)

About the Author

Sheila Patoza

Writer

Region 6

Related News

Feedback / Comment

Get in touch