Sa isa ka press briefing, ginhambal ni DSWD Secretary Erwin Tulfo nga mangin kabulig nanda sa pag-implementar kang AICS educational assistance payout ang Department of the Interior and Local Government (DILG) kag ang mga Local Government Units (LGU).

Apang, ginapangabay ni DSWD Region 6 Information Officer Atty. May Rago-Castillo ang publiko nga indi anay mag-adto sa mga munisipyo samtang gina-hitso pa ang mga tikang sa mas mayad nga sistema.

Dugang pa ni Castillo nga ang bulig pinansyal indi para sa tanan, kundi para lamang sa mga students in crisis parehas kang mga breadwinners, biktima ka pagpang-abuso, working students, ilo, bata kang solo parent, bata kang overseas Filipino in distress, persons with disabilities in distress kag iban pa.

Pwede man mag-email sa dswd.educassistance@gmail.com para magrehistro, kinahanglan lang i-abay ang personal nga mga detalye pareho kang pangaran, address, birthday, kag educational level.

Nagpahanumdom ang DSWD nga bukas ang anda opisina sa mga pamangkutanun kag dugang nga pagpa-athag.

Ang educational assistance payout naka-schedule kada Sabado asta Setyembre 24. (AAL/BPS/PIA Antique)