PIÑAN, Zamboanga del Norte, Aug. 24 (PIA) - Kasamtangang gipahigayon sa Department of Social Welfare and Development Region IX ang tulo ka adlaw nga Skills Development on Technical Writing for KALAHI CIDSS Program Staff, sa Piñan, Zamboanga del Norte, diin nahimong resource person si Philippine Information Agency Zamboanga del Norte, Office Manager Emmanuel D. Taghoy.

Gihisgutan sa maong aktibidad ang paragraph writing, news writing, writing business correspondence, writing and replying a memorandum, ug pagasundan sa pagbansay-bansay sa mga partisipante.

Kahibaloang tumong niini nga mapauswag ang kahibalo sa mga partisipante sa epektibo nga pagsulat ug dokumentasyon, program reports, ug uban pang general business correspondence.

Nasayran gikan kang DSWD Training Specialist IV Abegail T. Luna-Timtim, nga naggikan sa nagkalainlaing probinsya ning Zamboanga Peninsula ang 30 ka field officers nga mitambong sa nahisgutang bansay-bansay. (RVC/EDT/LMR-GIP/PIA-Zamboanga del Norte)