BAGUIO CITY (PIA) -- Ipalpalagip ti mental health advocate ken founder ti Anxiety and Depression Support Group Baguio City a ni Ricky Ducas nga adda dagiti mabalin a tumulong kadagiti makapaspasar iti karit, partikular iti mental health kagiddan ti pannakaobserbar ti Suicide Awareness Month ita a Setyembre.
 
Sigun kenni Ducas, adda dagiti mabalin a tawagan a helplines tapnu malapdan ti anyaman a kaso ti panagkettel iti bukod a biag wenno suicide.
 
Karaman kadagiti mabalin a tawagan ket ti City Health Services Offices(CHSO) (0919-069-6361), Baguio General Hospital and Medical Center - Psychiatric Department (661-7910), Department of Health - Cordillera Mental Health (0938-757-6458), Philippine Mental Health (0995-093-2679/0918-402-9832) ken dadduma pay.
 
Kinunana a maibasar iti datus ti CHSO, dumanon iti 26 ti completed suicide cases ditoy Baguio City nu sadino, innem ditoy ti manipud iti sabali a lugar. Kinunana a kaaduan kadagitoy a kaso ket dagiti agtutubo ken dagiti adda iti working group.
 
Gapu iti daytoy, ibalbalakad na ti panangmintinar iti napintas a physical health ken agadal mainaig iti mental health.
 
"Healing starts from you ... Life is short, death is certain. If you are mentally healthy person, you accept death as it comes. That's the reason why you have to live present," ti palagip ni Ducas.
 
"Face what is present, do what is present. It's okay to think about tomorrow or the future but there is what we called that 5-5-5 rule. Do not think of a thing that will not happen within five years, five months, five weeks, five days, for more than five minutes," innayun ti nasao a mental advocate.
 
Kinunana a napintas metlaeng nga ipeksa nu anya ti marikrikna, sangoen dagiti karit ken solbaren dagiti parikot, agkatawa ken nanamen ti biyag, ken kangrunaan na, tulungan ti bagi gaputa ti panagimbag ket mangrugi mismo iti maseknan. (JDP/DEG-PIA CAR)

Praesent commodo cursus magna, vel scelerisque nisl consectetur et. Nullam id dolor id nibh ultricies vehicula ut id elit.