SAN JOSE, Antique (PIA)  - - Nagpasakop ang 602nd Ready Reserve Infantry sa idalom ni Lieutenant Colonel Rhodora J. Cadiao, Philippine Army (Res) sa Reserve Command (RESCOM), Philippine Army Disaster Risk and Reduction Operation (DRRO) 2022 Regional Challenge.

Dya ginhiwat sa 6th Regional Community Defense Group (6RCDG) headquarters sa Camp Gen Adriano Hernandez, Dingle, sa Probinsya kang Iloilo.

Kada grupo may 10 ka mga partisipante kung sa diin isara ka dya organic personnel kag siyam ang mga army reservists.

Ang kada grupo nagpaindis-indis man sa nagkalain-lain nga kina-adman parehas kang; boat handling, 100 meters swim event, water rescue, emergency rescue transfer, bandaging kag knot tying.

Gindeklara nga first runner up ang 602nd (Antique) RRIBn kag nagdaug bilang Best Swimmer kag Best in Boat Handling samtang gindeklara nga over-all champion ang 603rd (Capiz) RRIBn.

Nagpasalamat si Ilaya sa mga nag-entra halin sa 602nd RRIBns kag kay Technical Sergeant Arman Y. Lorenzo (AGS), PA, nga nagserbe bilang team leader.

Ana man gindayaw ang gintugro nga suporta ni Governor  Cadiao, Battalion Commander kag Vice-Governor Edgar Denosta,  Bn Ex-O, 602nd (Antique) RRIBn. (SRA/SJQ/PIA-Antique)