SAN JOSE, Antique (PIA) – Ginbuksan kasan-o lamang ang selebrasyon kang National Statistics Month (NSM) 2022 ridya paagi sa sangka statistical exhibit sa 3/F Robinsons Antique.

Ang exhibit nga ginalakipan kang 2020 Census of Housing and Population, 2021 Poverty Statistics kag iban pa tuyo pasanyugon ang importansya kang datos kag statistika sa pagbuhat kag pagimplementar kang mga layi ilabi ron sa padayon nga pagbangon kang probinsya halin sa pandemya.

sa nagkalain-lain nga sektor kang sosyudad.

Ginapangunahan kang Philippine Statistics Authority (PSA) kag Provincial Planning and Development Office-Research and Statistics Division (PPDO-RSD) ang nasambit nga selebrasyon nga may tema "Boosting the country’s recovery with informed decisions, better policies.”

Kaangut sa dya nga kahiwatan ang pagbukas man kang satellite PhilSys (Philippine Identification System) registration center kang PSA sa 2nd floor kang nasambit nga mall.

Basta may validated nga PhilSys Number (PSN) sa system kang PSA, pwede man magpa-imprinta kang ePhilID ang mga pumuluyo nga tapos don sa pagpa-rehistro.

Bukas adlaw-adlaw ang satellite registration center asta Disyembre 2022. (AAL/BPS/PIA Antique)