KALIBO, Aklan (PIA) --  Ro mga inungang Aklanon hay dapat preparado sa mga nagapadayon nga hangkat sa paaeabuton.

Raya hay suno ky Governor Jose Enrique Miraflores sa anang ginpaabot nga hinimuan sa sueod it 100 nga adlaw it anang pagpamuno bilang gobernador it Aklan.

Suno kana, ro mga inungang Akeanon hay dapat nga  preparado sa aspeto it isip ag eawas sa pagiging produktibo nga mga miyembro it komunidad.

Bilang bulig sa mga inunga ngara, ginhambae it gobernador nga  ro gobyerno probinsyal hay padayon sa pagtao sa mga estudyante nga kwalipikado sa provincial scholarship it "allowance"  ag bulig pinansyal man sa mga estudyante nga sa sitwasyon it krisis.

ukon SPES nga nakakumpleto ku andang trabaho ro nagbaton man ku andang sweldo halin sa gobyero probinsyal.

Ginsambit man it gobernador ro iba pa gid nga bulig sa mga estudyante parehu ku pagtao it pinansyal nga insentibo sa mga atletang Aklanon nga nakatao it dungog sa probinsya sa pagdaog sa patag it hinampang sa guwa it nasyon.

Plano man it gobernador nga improbahon ro ABL Sports Complex agud mas maserbisyuhan ro mga inunga, imaw man ro Calangcang Sports Complex nga mangin sangka sports center kon siin may lugar nga hampangan it bowling, bilyar, badminton, table tennis, ag iba pa.

Ro Calangcang Sports Complex, nga nahamtang sa banwa it Makato, hay imaw ro ginahiwatan it sari-saring hampang kon ro probinsya ro naga "host" it Western Visayas Regional Athletic Association (WVRAA) meet. (JBG/VGV/PIA6 Aklan)