MALAYBALAY CITY, Bukidnon (PIA)—Hugot nga pagbantay sa mga checkpoints, labi na sa mga borders, ang usa sa mga nag-unang ipatuman ni Police Colonel Reynante R. Reyes, ang bag-ong na-install nga provincial director sa Bukidnon Police Provincial Office (BukPPO).

Atol sa gipahigayong 'change of command ceremony' niadtong Oktubre 4, gibutyag ni Reyes ang iyang mga plano isip bag-ong hepe ug usa na dinhi ang pagpahugot sa mga checkpoints kay matud niya posible nga ang katawhan wala nasayod kung ang atong mga kadalanan ang agi-anan sa illegal nga mga aktibidad.

Dugang niya nga mapakgang lamang kini kung mas mapahugtan pa ang pagpahigayon sa mga checkpoints sa kadalanan.

Sa mensahe ni Reyes, nagpasalamat siya kang kanhi Povincial Director PCol. Jun Mark Lagare sa malampuson nga pagdumala sa Bukidnon PNP. Gi-awhag usab niya ang tanang kapulisan sa probinsya sa ilang kooperasyon ug pagtinabangay aron magpabilin ang kalinaw sa Bukidnon.

“To the men and women of Bukidnon PPO, leading you is like a treasure to keep. A treasure I most likely to take care for. Join me as we go forward to all good and better insights. May we be together in one cause in our pursuit for peace and order in Bukidnon province,” dugang sa bag-ong PNP provincial director sa Bukidnon.

Nagpasalamat usab si Bukidnon Governor Rogelio Neil P. Roque kang Lagare sa tanang paningkamot nga maapil sa listahan ang BukPPO sa awardee isip ‘Top 5 Best Performing Police Office’ sa Region 10.

Dugang pa ni Roque nga andam ang probinsya sa Bukidnon nga mo-suporta sa mga programa sa bag-ong na assign nga hepe sa Bukidnon.

“Now like sheep looking for a new shepherd, we all welcome our new Provincial Director Police Col. Reynante R. Reyes. Sir Rey, you have big shoes to fill. But I trust that you will do your best and be able to lead the Bukidnon Police Provincial Office to its noble standard as well as your predecessor,” matud sa gobernador. (BGE/PIA-Bukidnon)