SIQUIJOR, Siquijor, Oct. 24 (PIA) -- Sa pag tinabangay maangkon ang kalinaw, kahapsay ug kalambo-an niining pinanggang isla.

Nunot niini, gilusad sa Siquijor Police Provincial Office (SPPO) ang gipalig-ong program kon Revitalized KASIMBAYANAN (KApulisan, SIMBAhan at PamaYANAN) program pinaagi sa pagpanguna ni PCol. Robert Lingbawan, provincial director sa SPPO. 

Ang paglusad giubanan ni Provincial Director Dennis Quiñones sa Department of the Interior and Local Government (DILG) isip guest of honor and speaker, Msgr. Ramon Duran ang Vicar Forane ug Kora Paroko sa St. Francis of Assisi Parish sa Siquijor ug Pastor Jephunneh Tabotabo, Provincial President sa Siquijor Faith-Based Advocacy, Kabataan Kontra Droga at Terorismo (KKDAT) President Rodolfo Tompong, Rizalie Calibo sa Philippine Information Agency (PIA) Siquijor, mga hepe sa Municipal Police Stations sa unom ka lungsod, ug uban pang mga representate sa lain-laing sektor aron pagpakita sa ilang suporta sa maong programa pinaagi sa paglagda sa Pledge of Commitment.

Tumong sa maong programa sa PNP nga masayud ang katawhan nga ang pag kab-ot sa kalinaw ug ka hapsay katungdanan dili lamang sa kapulisan kun dili sa tanang katawhan inubanan sa suporta sa relihiyosong sektor.

Samtang sa laing higayon, nagpahigayon usab ang Siquijor Provincial Police Office ug Mural Painting Contest diin natanyag ang maka hibulongan nga mga mga talento sa mga Siquijodnon ubos sa tema nga sa pagpalig-on sa relasyon sa kapulisan ug  komunidad. (RAC/PIA7 Siquijor)