TAGBILARAN CITY, Bohol, Oct. 20 (PIA) -- Gi-anunsyo sa Social Security System (SSS) nga gi-uswag nila ang deadline alang sa Annual Confirmation of Pensioners (ACOP) hangtod sa Oktubre 31.

“Dahil ito ang inyong kahilingan…ang deadline para sa Annual Confirmation of Pensioners (ACOP) program ay muling in-extend mula ika-30 ng Hunyo hanggang ika-31 ng Oktubre, 2022!” matud pa sa gipagawas nga pahayag sa SSS sa ilang Facebook post niadtong Miyerkules, Oktubre 19.

Ang mga retirement pensioners nga nagpuyo sa ubang nasod apil ang mga total disability pensioner ug survivor pensioners kinahanglang mag-comply sa ACOP.

Samtang ang mga pensioners nga nagpuyo sa nasod dili na kinahanglang mopasa og ACOP.

Matud pa sa SSS, ang mga dili maka-comply sa ACOP hangtod Oktubre 31 masuspinde na ang ilang mga pension sugod Enero 1, 2023.

Ubos sa ACOP, ang mga pensioners angay nga mopasa sa ilang updated personal information ug kondisyon, kauban sa pagpadala og litrato nga naggunit og usa  ka dyaryo nga may kasamtangang petsa.

Mahimong ipasa ang ACOP pensioner’s reply form sa SSS branches o pinaagi sa email.  (ECB/PIA7 Bohol)