TUGUEGARAO CITY, Cagayan (PIA) - - Formal nga namegafu y Butcher’s Training para ta minapparti ira ta Tuguegarao City Slaughter House ta Baranggay Capatan taw nga siyudad. Yaw nga training ay mabbayak ta 20 nga aggaw.
Segun kani City Veterinarian Dr. Pastor Tumaliuan Jr., egga ta 25 y bilang na minapparti onu matador ira nga mappartisipa turi nga ensayo, nga meddan paga ta oryentasyon meyannung ta fasilidad na Slaughter House.
Tumunuk ta oryentasyon y pattuddu ta papparti nga pangolluan na accredited trainors nga maggafu ta ili na Roxas, Isabela.
Yuri seremonya na pamegafu na butcher’s training ay inangayan ni Konsehal Ronald Ortiz anna representante na TESDA - Region 2 nga si Josephine Cabrera. (JKC/PIA Region 2/Report na Tuguegarao City Information Office)
