TAGBILARAN CITY, Bohol, Oct. 17 (PIA) -- Nangandam na usab ang Commission on Elections (COMELEC) sa pagbukas sa registration alang sa Sangguniang Kabataan ug Barangay Elections (BSKE).

Ang mga makaapil niini, kadtong mga mo-edad og 15 nianang adlaw sa piliay, o sa Oktubre 23, 2022, ig kadtong mga wala pa makarehistro kay naapikehan niadtong mga higayon sa pagpangrehistro.

Kini maoy gipadayag ni Atty Elisio Labaria, Election Supervisor ug Provincial Director sa COMELEC Bohol didto sa labing bag-o nga Kapihan sa PIA sa miaging semana.

Ang pagpadayag sa Comelec, nunot usab sa opisyal na nga pagsibog sa BSKE gikans a Disyembre 5 niining tuiga ngadto sa Oktubre 23, sa 2023, subay sa lagda nga himoon ang piniliay sa katapusang semana sa Oktubre.

Pinaagi sa Republic Act 11935 gipasibug na ang piniliay sa BSKE ngadto sa katapusang Lunes sa Oktubre 2023.

Daghang nagtuo nga ang kakuwang sa pundo  sa COMELEC sa pagpatuman sa mga lagda alang sa luwas nga pagbotar ilabi na sa nagpadayong hulga sa COVID-19, usa  ka dakung rason sa panginahanglan nga ipa-oktaba ang pagbotar sa mga barangay officials ug SK.  

Sa kasagarang pundo nga pahat  alang  sa piniliaty, P10 ngadto sa P12 bilyones ang mahimong abton sa mga pagpahilunan sa dugang nga mga kinahanglanon alang sa mas luwas nga BSKE, segun pa sa mga nahipos nga taho, hinuon kini dili kompirmado sa ahensya sa piniliay.

Ang pagbalik na sa face to face classes, nakapalisud sa posisyon sa COMELEC kay daghan na nga mga classrooms nga gigamit sa klase ang angay ipahiluna na usab aron magamit  sa piliay.

Dugang panalipod pa usab batok sa sakit ilabi na kay nagpadayun pa ang hulga sa COVID-19.

Daghan pa usab ang nagtuo nga ang pagsibug sa eleksyon, maghatag sa kagamhanan sa dyutay nga lugway aron may magamit pang pundo alang sa COVID response ug sa uban pang gikinahanglang galastohan niini.  

Mao nga subay niini, giaghan na usab sa COMELEC sa Bohol ang mga kabatan-onan nga wala makaapil sa pagparehistro niadtong miaging registration nga mangandam alang sa  pagbukas og usab sa pagparehistro. (RAHC/PIA7 Bohol)