No. of :

No. of Shares:

Currently viewed by: Marcus Rosit

  1. Home
  2. News
  3. 5 LGU sa Aklan nakabaton it 'Seal of Good Local Governance'

5 LGU sa Aklan nakabaton it 'Seal of Good Local Governance'

Write a comment

Delete

KALIBO, Aklan (PIA) – Ro probinsya it Aklan ag ro ap-at nana nga banwa hay gin-awardan it Seal of Good Local Governance (SGLG) sa hara nga dag-on it Department of the Interior and Local Government (DILG) para sa pagsustiner ag pagtao it prayoridad sa hueowaran it integridad ag mayad nga panerbisyo.

Base sa lista nga ginpaguwa it DILG,  ro Aklan hay sambilog sa tatlo nga probinsya sa Western Visayas nga ginrekognisar bilang 2022 SGLG passers sa pangprobinsya nga kategorya. Ro iban pa nga probinsya nga nagdaod hay Antique ag Iloilo.

Delete

Kung matandaan, ro probinsya it Aklan hay sunud-sunod nga nakasueod sa lista bilang SGLG passers sa sueod it limang dag-on halin 2015 asta 2019.

Samtang, sa pangmunisipyo nga kategorya, 24 sa rehiyon ro nagdaog; ap-at kara hay halin sa Aklan – raya ro local government unit it Kalibo,Malay, Ibajay ag New Washington.

Ro SGLG, ukon “Pagkilala sa Katapatan at Kahusayan ng Pamahalaang Lokal,” hay dag-unan nga ginatao sa mga nakaangay nga mga probinsya, syudad, ag munisipyo nga nag-ubra it mayad sa 10 nga governance areas - financial administration, disaster preparedness, social protection and sensitivity, health

Delete

compliance and responsiveness, sustainable education, business-friendliness and competitiveness, safety, peace and order, environmental management, tourism, heritage development, culture and arts, ag youth development.

Tungod sa Coronavirus Disease 2019 (COVID-19) pandemic, ro assessment ag awarding ceremonies hay ginpundo ku 2020 ag 2021.

Euwas sa SGLG marker, ro mga nagdaog sa hara nga dag-on hay kwalipikado sa SGLG incentive fund para punduhan anda nga mga local government initiatives ag maka-access sa capacity development assistance halin sa DILG. (AAL/SQP/PIA-Aklan)

About the Author

Sheila Patoza

Writer

Region 6

Related News

Feedback / Comment

Get in touch