SYUDAD SANG ILOILO (PIA) - - Iga-implementar sa masunod nga tuig, 2023, ang naulihi nga hugnat sang adjustment sa sweldo sang mga empleyado sang gobyerno.
Ini ang ginsiling sang Department of Budget and Management (DBM) sa ginpagwa nga pahayag bilang sabat sa panawagan sang madamo nga mga unyon sa public sector nga pataasan ang minimum nga sweldo sang mga empleyado sang gobyerno.
“The Department of Budget and Management (DBM) wishes to note that the last tranche of the modification of the salary schedule for civilian personnel pursuant to Republic Act No. 11466 or the Salary Standardization Law V will be implemented in 2023. (Ang Department of Budget and Management luyag ipahibalo nga ang naulihi nga tranche sa modification sang salary schedule para sa mga sibilyan nga empleyado sandig sa Akta Republika Numero 11466 ukon ang Salary Standardization Law V ang iga-implementar sa 2023),” pahayag sang DBM.
Dugang pa sang DBM “Hence, government employees concerned will have another salary adjustment by next year (Gani ang mga natungdan nga empleyado sang gobyerno may yara sang panibag-o nga adjustment sa ila sweldo sa masunod nga tuig).”
Ginhatagan man pagtamod sang DBM nga ang dugang sa sweldo sang mga mamumugon sa gobyerno ang gina-implementar pinaagi sa legislative measure. Sa tion nga ang House Bills ukon Senate Bills ang gin-file, ang DBM nagahatag man sang komento/inputs/rekomendasyon.
Sa idalum sang FY 2023 National Expenditure Program (NEP), ang DBM naghatag man sang kapin P47 milyon sa idalum sang Governance Commission for GOCCs (GCG) nga badyet agud suportahan ang pagtuon natuhoy sa government compensation structure sang nagkalain-lain nga mga nasyunal nga ahensya sang gobyerno kag GOCCs, kag iban pa, agud mapat-ud nga ang kumpensasyon sang tanan nga mga sibilyan nga empleyado ang generally competitive sa yadtong sa pribado nga sektor nga nagahimo sang kasubong nga trabaho agud maka-attract, makapabilin kag maka-motivate sang hubon sang makasarang kag dedikado nga mga sibilyan nga mamumugon.
Kaangut sa sini nga pagpanikasog, ang DBM sa mando sang Tiglikom sang amo nga talatapan, nagapatigayon man sang pagpangusisa sang rates sang mga benepisyo nga ginahatag sa karon sa mga kwalipikado nga empleyado sang gobyerno agud mahibaluan kon nagakinahanglan ini sang adjustment sa palaabuton.
Sa paghatag sang gratuity pay sa mga job order kag contract of service workers, ginapreparar sang DBM ang nagaka-angay nga executive issuance para sa nasambit nga tihutuyo ng iga-endorso sa talatapan sang Presidente para sa kunsiderasyon. (JBG/DBM/laf/PIA6-Iloilo)
