SIQUIJOR, Siquijor, Nov. 14 (PIA) -- Usa ka Balay Silangan reformation facility ang gitukod sa local government unit sa Lazi ug pormal kining giinagurahan ug gibuksan kaniadtong Oktubre 25, 2022, isip ika duhang Balay Silangan Reformation Center sa Lazi aron sa pagserbisyo sa mga kliyente o mga drug offenders nga boluntaryong mitahan sa ilang kaugalingon alang sa pagbag-o.
Kahinumdoman, nga ang Balay SIlangan pogram sa Lazi gilusad sa maong lungsod niadtong Nobyembre 26 sa miaging tuig pinaagi sa Philippine Drug Enforcement Agency uban sa kusganong kooperasyon sa local government unit (LGU) sa Lazi ug suporta sa tanang stakeholders.
Napulo ka mga ni-surrender nga drug personalities sa maong lungsod ang gikatakdang moagi sa maong repormasyon.
Lakip sa maong aktibidad ang pagpirma sa Memorandum of Agreement sa Lazi ug PDEA sa pagpatuman sa programa sa Balay Silangan.
"It is my dream with my administration nga we will be drug-cleared municipality. I am thankful sa atoang mga different agencies of the government nga we are working together para mahimong magmalampuson kini nga programa sa atong pangagamhanan (Akong pangandoy, uban sa akong administrasyon, nga mahimo kitang drug-cleared municipality. Nagpasalamat ko sa lain-laing ahensya sa gobyerno nga nagtinabangay para mahimong magmalampuson kini nga programa sa atong pangagamhanan)," si Lazi Mayor Largo miingon.
Rizalie Calibo (L) of PIA Siquijor in an interview with PDEA Provincial Officer IA V Meynard Villaluz (R). (Marifel Faith Hammond/ PIA Siquijor)
Ang Balay Silangan program magdala sa pasalig sa LGU isip usa ka lakang padulong sa drug-free nga lungsod, ug kini magsilbi nga usa pa ka timailhan kung unsa ka aktibo ang LGU Lazi sa paningkamot ug pagtinguha sa usa ka komunidad nga wala’y droga.
"Ang gandang tignan kapag ma-declare natin na ganon, kasi it will attract more tourists. Kapag maraming turista, maraming mamamasyal dito, maraming trabaho, marami tayong matulungan dito sa community," matod ni PCOL Robert D. Lingbawan.
(Nindot sud-ongon nga madeklarar ang atong dapit sa ingon, kay kini makadani pa ug dugang mga turista. Kung daghan ang mga turista, daghang maglakaw-lakaw o maglibot-libot dinhi, daghang trabaho, dako ang atong matabang dinhi sa komunidad.)
Ang pagpatuman sa Balay Silangan subay sa Dangerous Drugs Board Regulation No. 2 Series of 2018, nga naglatid sa "Balay Silangan — Guidelines for Community Involvement in Reforming Drug Offenders into Self-sufficient and Law-Abiding Member of Society".
Lazi Municipal Health Officer Dr. Iramaeus Selgas discussing the rural health unit's interventions to the reformation program. (Marifel Faith Hammond/ PIA Siquijor)
Ang Balay Silangan, usa ka community-based reformation program nga nagtumong alang sa pag-rehabilitate o pagreporma sa mga nisurender nga drug personalities, pinaagi sa pagtinguha sa pagtukod og temporaryong mga puy-anan alang sa mga drug offenders uban ang tumong nga mabag-o sila nga mahimong igo-sa-kaugalingon ug masunuron sa balaod nga mga miyembro sa katilingban.
Ang pagbukas sa Balay Silangan gipangunahan sa local government unit sa Lazi nga pinangulohan ni Mayor Philmoore Largo uban ni Bise-Mayor Rose Mae Dalaygon, og uban sa presensya usab ni PDEA Siquijor Provincial Officer IAV Meynard O. Villaruz, Siquijor Police Provincial Office (SPPO) Provincial Director PCOL Robert Lingbawan, Municipal Health Officer Dr. Iramaeus U. Selgas, TESDA Provincial Director Fletcher Gumahad, MSWDO Aivory Jane Managing, MLGOO Martin Faustino, PIA-Siquijor Rizalie A. Calibo, Balay Silangan Focal Person Romeby Sailog ug Disaster Officer Franklin Sumalpong, Value life coach Ambrosio Momo, mga barangay kapitan sa Catamboan , Nagerong, Cangomantong ug Tignao. (RAC/MFH/PIA7 Siquijor)
