Nangted iti pondo para iti Nueva Vizcaya provincial government ti SN Aboitiz Power - Magat,Inc. (SNAP-Magat) . Ti pondo ket usaren ti PLGU para kadagiti Reforestation Projects sadiay Lower Magat Eco-Tourism Park iti ili ti Diadi. Ladawan manipud Gov. CMP FB Page
BAYOMBONG, Nueva Vizcaya (PIA) - - Inawatda Governor Carlos Padilla ken Vice Governor Jose Gambito ti pondo a tulong manipud iti SN Aboitiz Power Magat, Inc. (SNAP- Magat).
Ti nasao nga pondo ket aggatad ti P700,000 manipud ti Corporate Social Responsbility (CSR) ti SNAP-Magat a maited kada tawen kadagiti local government units nga paggapwan iti danum.
Ti SNAP-Magat ket kumpanya nga mangman-maneho ti Magat Irrigation and Hydro Power Project sadiay Ramon, Isabela.
Maysa nga Memorandum of Agreement (MOA) ti pinirmaan dagiti opisyales ti SNAP-Magat ken provincial government para iti pannakaisayangkat kadagiti nadumaduma nga proyekto iti nasao nga pondo.
Sigun kenni Padilla, mausar ti nasao nga pondo para iti Reforestation Project sadiay uneg ti Lower Magat Eco-Tourism Park (LMETP) iti ili ti Diadi.(MDCT/BME/PIA Nueva Vizcaya)
