No. of :

No. of Shares:

Currently viewed by: Marcus Rosit

  1. Home
  2. News
  3. Mga produkto kang Antique ginpasundayag

Mga produkto kang Antique ginpasundayag

Write a comment

Delete

SAN JOSE, Antique (PIA) - -  Ang Department of Trade and Industry naghiwat kang sangka pagpasundayag ukon “trade fair”  kang mga produkto sa Antique nga ginatawag  “Obra Antiqueño.”

Ang dya nga trade fair nagapakita kang mga produkto halin sa niyog kag iba pa nga manami nga produkto nga gindesinyo kag ginhimo kang Antiqueño.

Delete

Si Philippine Coconut Authority Regional Manager Niel J. Melencion nagdayaw sa dya nga lihuk kang DTI para mataw-an ka lugar nga mapakita ang mga produkto nga himo sa niyog agud mapasanyog ang industriya kang niyogan sa Antique.

Ana man ginpasalamatan ang suporta kang mga ahensya kang gobyerno, lokal nga opisyales, pribado nga organisasyon kag tanan nga katawhan para mabuligan ang mga mangunguma kang niyog.

Ang “Obra Antiqueño” trade fair bukas halin Disyembre 3 tubtob 9, 2022 sa Robinsons Mall, San Jose.

Delete

Si DTI Provincial Director Engr. Lynna Joy Cardinal nagadayaw man sa partisipasyon kang mga magagmay nga negosyante, kun sa diin anda ginpakita ang anda kinaadman kag kabakud nga sa pihak kang raku nga panghangkat dara pandemya kag kalamidad sanda nagatindug kag maninguha nga magmayad ang andang pangabuhi.

Ana ginhambal nga ang tema nga "Kabakud sa Likud kang Pagtiraw" husto gid nga nagapakita kang kabakud kag katandus kang Antiqueño agud malampuwasan ang panghangkat kang kabuhi.

Samtang si DTI 6 Regional Director Ermelinda Pollentes nagapanugyan sa mga MSMEs nga gamiton ang mga shared service facilities nga makita sa anda lugar para makapanami pa gid kang anda produkto.

Delete

Sa sangka mensahe nga ginpadara ni Congressman Antonio Agapito Legarda, ana man gindayaw ang partisipasyon kang mga MSMEs sa trade fair kag ang anda bahol nga kontribusyon sa ekonomiya kang pungsod.

Samtang si Rhodora E. Pon-an nga nagarepresentar kay Senator Loren Legarda nagpabutyag kang bahul nga support kang Senadora sa lihuk kang mga magagmay nga negosyante kag ana gin pakigbahin ang mga istorya kang mga organisasyon/magagmay nga negosyante nga nagabaligya na kang anda produkto sa iban nga pungsod.

Delete

Sa bahin naman ni San Jose Mayor Elmer Untaran, ana ginhambal nga suportado gid kang ana administrasyon ang mga magagmay nga negosyante. Tana nagpatinidug kang bag-o kag manami nga terminal kun diin may “kiosks” sanda nga mabaligyaan kag makita kang katawhan ang anda produkto.

May kabilogan nga 35 exhibitors ang nagpasakup sa Obra Antiqueño Trade Fair, 15 ang sa kategoriya kang pagkaun kag 20 ang sa kategoriya mga kagamitan kag dekorasyon.  (JBG/PSM/PIA-Antique)

About the Author

Pilar Mabaquiao

Writer

Region 6

Related News

Feedback / Comment

Get in touch