ILIGAN CITY (PIA) – Gihisgutan sa Mindanao Development Authority (MinDa) ang managlahing isyu sa enerhiya ug kuryente tali stakeholders, media ug publiko atol sa gipahigayon nga Mag-istorya Ta: Regional Press Forum in Communicating Mindanao Power and Energy Development niadtong Dec. 5.

Sumala ni MinDa investment promotion officer Raymond Esperat, ang pag-invest sa renewable energy, makatabang sa pag-mitigate sa epekto sa taas nga presyo sa oil ug kuryente sa nasud.

 "The government is no longer in business in putting up power plants. That's why we are encouraging the private sector to put up sources of renewable energy whether in their homes or in their private business," sumala ni  Esperat.

Giingon sab ni Esperat nga ang renewable energy dunay mahinungdanong role para sa negosyo aron mas mahimong competitive ug mas masayo ang kinabuhi para sa katawhan sa Mindanao.

Samtang si Agus 4 and 5 division manager Engr. Rey Plestico naghatag og  update sa first series sa proyekto nga naglangkob sa rehabilitasyon sa Agus IV, V, VI  ug VII nga naa sa Agus-Pulangi hydropower complex. 

"We applied for the approval of the project including the feasibility study. We are now working on some items, checklist requirements.  Hopefully procurement will be [done] in the third quarter in 2023," sumala ni Plestico. 

Apil sad sa mga panelist sa nasambit nga forum  ang Chamber of Commerce ug Industry Foundation sa Iligan Inc., ug Iligan Light and Power Inc.(LELAntonio/PIA-10/Lanao del Norte)