ILIGAN CITY (PIA) – Opisyal nang giablihan sa publiko ang Christmas Village nga nahimutang sa City Hall sa Iligan City niadtong Dec. 5.   atol sa pinakaunang Paskuhan Festival sa syudad.

Nagpanindotay ang 21 ka mga opisina sa local government unit sa ilang Kiddie Wonderland nga mga booth. Nagbutang sad ug mga belen ug Christmas tree ang 13 ka mga barangay.

Niapil sab ang 30 ka mga eskwelahan sa pagdisplay sa ilang nagkalain-laing giant stars.

“Nalipay mi nga ang Iligan City National High School nakaapil niani.  Luyo sa mga nang-aging katuigan dunay pandemic na nasinati, atleast this time, we send the message the people of iligan na there is still hope ahead of us," sumala ni Zosimo Gomez, school principal sa ICNHS. 

Sumala ni City Administrator Darwin Manubag  tumong sa maong festival nga i-highlight ang mabulokon nga selebrasyon sa pasko ug mahimong destinasyon sa mga katawhan ang City Hall.

 “It’s about time to rise up for Iligan. It’s about helping each other. Mao na ang essence sa kapaskuhan karon, kinahanglan nato tabangan ang katawhan," sumala ni Mayor  Frederick Siao.

  Aduna pay laing mga competition nga ipahigayon sama sa Street Dancing Competition of Lights, Decorate and Light the Overpass Contest, Light a Building Facade Contest ug uban pa. (LELAntonio/PIA-10/Lanao del Norte)