IPIL, Zamboanga Sibugay, Dec. 14 (PIA) – Ang Hydrogene De France (HDF) nipahigayon ug meeting sa Zamboang Sibugay Provincial Government ug Mindanao Development Authority (MinDA) ning ni agi, alang sa unang proyekto sa HDF Energy sa Pilipinas nga matukod sa isla sa Olutanga.
 
Matod sa HDF, sila nagatuo nga ang Mindanao, hilabina ang Western Mindanao, importante sa paglambo sa ekonomiya sa Pilipinas ug wala kini tantong  kakompetensya sa renewable energy, mao ila kining gihatagan ug unang prayoridad.
 

Ang Olutanga renewable energy project mo suplay ug enerhiya dili lang sa isla kon dili lakip na sa Zamboaga Del Sur Electric Cooperative Inc. II (ZAMSURECO II) franchisee, kauban ang Zamboanga Del Nort Electic Cooperative Inc. I (ZANECO I) ug Zamboanga City Electric Cooperative Inc. (ZAMCELCO).
 
Ang naingon nga proyekto makatabang makapaus-os sa gasto sa enerhiya, makamentinar sa grid stability, makapalapad sa paggamit sa renewable energy sources, ug makapalambo sa energy independence alang sa probinsiya ug sa tibuok Zamboanga Peninsula.
 
Ang 10-megawatt nga proyekto molanat ug labing menos tulo ka tuig aron mapatuman tungod sa panginahanglan alang sa mobilisasyon, pre-development ngadto sa development stage work ug gidaghanon sa mga pagtuon nga naglakip sa geotechnical, hydrological, environmental ug fesibility work.
 
Ang HDF usa ka independenteng prodyuser sa kuryente nga nagtrabaho kauban ang Canadian Development (Electrolyzer).
 
Giandam usab sa HDF ang timeline niini para sa presentasyon sa OLTAMA Board karong Disyembre sa dili pa mahuman ang tuig sa 2022. (NBE/JPA/APE/GIP-PIA Sibugay)