TAGBILARAN CITY, Bohol, Dec. 20 (PIA) -- Ang mga kawani sa gobyerno nga naghatag og serbisyo pinaagi sa mga job order, contracts of service (COS), o uban pang susama nga mga kahikayan sa trabaho ang kwalipikado nga makadawat sa usa ka higayon nga hinabang nga bugas nga gitugutan ni Presidente Ferdinand R. Marcos Jr. pinaagi sa Administrative Order No. 2.

Sumala sa Office of the Press Secretary, ang mando ni Marcos nagtugot sa pagpagawas sa tabang sa mga indibidwal ug grupo sa mga tawo nga nalambigit pinaagi sa JO, COS, o uban pang susama nga mga setup sa trabaho nga gitakda ubos sa Commission on Audit-Department of Budget and Management Joint Circular (JC) Number 2 nga gipetsahan Oktubre 20, 2020, ingon nga giusab.

Ang  mga sibilyan nga kawani sa mga ahensya sa nasudnong gobyerno (NGAs), lakip ang mga naa sa state universities and colleges (SUCs), government-owned and controlled corporations (GOCCs), government financial institutions (GFIs), government instrumentalities with corporate powers, ug government corporate entities nga nag-okupar sa regular , ang mga kontraktwal o kaswal nga posisyon mahimo usab nga hatagan og tabang.

Ang mga kawani sa militar, pulis, bombero, ug prisohan mahimo usab nga hatagan suporta kauban ang mga empleyado sa Bureau of Corrections, Philippine Coast Guard, ug National Mapping and Resource Information Authority.

Aron makadawat sa hinabang sa bugas, ang mga benepisyaryo kinahanglang anaa na sa serbisyo sa gobyerno o kinahanglang makiglambigit sa mga ahensya sa gobyerno sukad sa Nobyembre 30, 2022. (ECB/PIA7 Bohol)