SAN JOSE, Antique (PIA) -- Nagapati ang Provincial Tourism Office (PTO) ridya nga makabulig ang pag-amlig, pagpreserbar kag pagpasanyog kang kultura sa pagganyat kang dugang nga mga turista kadya nga tuig 2023.

Sa sangka report ni Mary Catherine Lavega kang Provincial Information Office (PIO), kaysa pagpatindog kang dugang nga mga atraksyon, nakasentro ang PTO sa pagpreserba kang lokal nga kultura para mag-agda kang mga bisita sa probinsya.

Suno kay Provincial Tourism Officer-designate JC Cadiao Perlas, gintugruan importansya kang anda opisina ang pagpreserbar kang kultura kang Antique sa pagpati nga ang turismo wara lang naka-sentro sa mga atraksyon.

 publiko ang estatwa kang 10 ka mga Bornean datu nga nagtukod kang una nga mga barangay sa Panay.

Septyembre 2022, ginpaguwa man kang tourism office ang cookbook nga “The Flavors of Antique Await You” kag kadya nga tuig nakalinya nga ipakilala sa publiko ang isa pa guid ka libro nga “Handurawan,” sangka koleksyon kang mga laragway kang nagriligad sa Antique.

Kadya nga 2023 kag sa mga masunod pa nga tuig, tuyo kang PTO nga padayunon ang pag-amlig kag pagpreserba kang kultura para ipakilala ang probinsya bilang sangka destinasyon para sa mga gusto makaagom kang nagkalain-lain nga ekspiryensya kultural. (AAL/BPS/PIA Antique)