DAVAO OCCIDENTAL (PIA) – Napulo ka mga mag-uuma gikan sa Barangay San Juan, Sta. Maria, Davao Occidental ang nakabenipisyo sa fuel subsidy card nga mi-kantidad og P3,000.00 matag usa, nga gitunol sa Department of Agriculture – Regional Field Unit XI.
Ang maong sabsidya ubos sa Department of Agriculture Corn program nga gipaluyuhan usab sa buhatan sa Municipal Agriculture Office sa lokal nga kagamhanan sa Sta. Maria ubos sa pagdumala ni Mayor Claude Benjamin D. Bautista II.
Ang maong programa nagtumong sa pagpagaan sa epekto sa kamahal sa gasolina ug gasto sa produksiyon sa mais alang sa mga mag-uuma nga nagagamit og agri-machinery ug mga ekipo sa ilang mga kalihukan sa pagpanguma sa lungsod sa Sta. Maria, Davao Occidental. (PIA-XI/Edith Isidro with reports from LGU Sta Maria)