No. of :

No. of Shares:

Currently viewed by: Marcus Rosit

  1. Home
  2. News
  3. PSA nagpresentar kang Provincial Product Accounts ka Antique

PSA nagpresentar kang Provincial Product Accounts ka Antique

Write a comment

Delete

SAN JOSE, Antique (PIA) - - Ang Provincial Product Accounts (PPA) ka probinsya kang Antique ginpresentar kasan-o gid lamang kang Philippine Statistics Authority (PSA) sa sangka pulong-pulong.

Ang  PPA natigayon matapos tipunon kang PSA sa sangka survey ang mga “indicator” kang “Gross Domestic Product” (GDP) kang probinsya.

Delete


Si OIC Regional Director Nelida C. Amolar nagpahayag kang importansya kang PPA sa paghimo kang plano ukon polisiya kang mga lokal nga gobyerno, mga ahensya kang gobyerno kag iba pa nga organisasyon.

Ang pag-establisar kang PPA sangka importante nga dokumento para sa sangka probinsya nga nagadihun kang plano para sa progresibo nga ekonomiya kag mainuswagon nga komunidad.

Suno kay PSA Antique Chief Statistical Specialist Randy Tacogdoy, mayor nga 

Delete

nagaduso kang ekonomiya kang probinsya kang Antique amo ang sektor kang “mining and quarrying” nga may 2.9 porsyento nga “growth rate”  kag “agriculture, forestry and fishing”  nga may  1.5 porsyento nga “growth rate.”

Ang ekonomiya kang Antique gina-“value”  sa kantidad nga P65 bilyon kang 2021 nga may  “growth rate” nga 7 ka porsyento kang 2020-2021.

Gindugang pa ni Tacogdoy nga ang mga madasig mag-uswag nga mga sektor amo ang “accommodation and food service” nga may 17 porsyento nga pagtaas, “human health and social work” nga 11.9 porsyento kag konstruksyon nga may 10.4 porsyento kang pagtaas.

Delete

Ang per capita GDP kang Antique kang 2021 amo ang P105,154 samtang ang regional per capita  amo ang P109,664 sa amo man nga tuig.

Ang PSA nakatigayn nga magtipon kang mga impormasyon tuhoy sa GDP kang mga probinsya kag Highly Urbanize Cities (HUCs) nga naga santo sa GDP kang panguluhan sa nasyonal kag rehiyonal nga lebel.

Ang amo nga PPA nagasunod man sa pagsurundan kang “System of National Accounts” nga nabasi man sa “international standard system of national accounts.” (JBG/PSM/PIA-Antique)

About the Author

Pilar Mabaquiao

Writer

Region 6

Related News

Feedback / Comment

Get in touch